Naholdap Kasi Ako
Una sa lahat, pinasasalamatan ko si manong drayber na nagpasakay sa akin kahit wala na akong
pera. Kundi ay uuwi akong naglalakad at malapit sa kapahamakan.
2:00 AM na at wala pa rin nagtatawag sa akin sa DJ's Booth para isabay ako sa pag-uwi. Kaya
naman nagpasya akong umuwi na lamang mag-isa mula sa Music Avenue. PhP 12.00 na lang ang
natitira kong pera, at kailangan ko iyon pagkasyahin sa dalawang sakay (Isetan to Divisora +
Divisoria to Herbosa). Paglabas ko ng bar, nakatatakot maglagad at pakiramdam mo ay
minamanmanan ka ng mga holdaper. Buti na lang at nakarating ako ng ligtas sa sakayan ng
Divisoria sa tapat ng Isetan. Ibinayad ko ang sampu, may sukling dos, plus dos ikwals apat
na piso na lang ang pera ko. Naisip kong maglakad ngunit mapanganib na ideya iyon, kaya
pagdating sa sakayan ng Velasquez sa Juan Luna St., tsumempo ako sa drayber at kinausap ko
siya.
Ako: Manong baka pwedeng kwatro na lang, sasabit na lang ako.
Drayber: Saan ka ba?
Ako: Sa herbosa lang, sasabit na lang ako, naholdap kasi ako eh.
Drayber: Oo sige sabit ka na lang.
Ako: Ah, sige eto bayaran ko na, naholdap kasi ako eh. Salamat!
At sumakay na ako sa dulo ng dyip. Pinatay ko ang aking cellphone upang hindi mahalatang
hindi talaga ako naholdap, at inilagay ko ito sa aking bag. Nang malapit nang mapuno ang
jeep, pumwesto na ako para sumabit, ngunit pinapasok ako ng drayber. Marahil dahil baka
hulihin siya ng pulis sa kasong overloading kahit 'di pa naman puno (May hinuli kasing
dalawang nakamotor na kahina-hinala at mukhang hholdapin ang jeep namin, nakaabang sa
likuran ng jeep)
Mga ilang minuto rin akong naghintay upang mapuno ang jeepp. Ayan at nakaalis na. Habang
nasa jeep, inisip ko 'pag bumaba ako, magpasalamat ako ulit. Ngunit nang pumara na ako, di
na ako nakapagpasalamat ulit - bagay na kinahihinayangan ko. Dahil baka iniisip no'n ngayon,
nanloloko lang ako. Sa aking pagbaba, nasabi ko na lang, dapat nag-thank you ako sa kanya
ulit, dahil kung hindi sa kanya hindi ako makauuwi ng maayos.
Pang-apat na beses ko na itong ginagawa ('yung magbabayad ng kulang sa jeep pero alam ng
draybert), pero ngayon ko lang nagamit ang natutunan kong 'Frame-setting' mula sa
Social-Engineering.Org podcast. Sana ay maging maunlad ang buhay ng drayber na iyon sa
kanyang buhay pagmamaneho at gumanda ang kanyang kita sa araw-araw.